Kadenang Bulaklak

Namimilipit sa sakit si Inang. Parang hinihiwa ng mapurol na gulok ang balakang at tadyang. Para bang anumang oras ay sasabog ang sinapupunan, at lalabas ang limang batang babago sa kapalaran ng sangkabaklaan.

Si Inang ay isang nilalang ng liwanag. Siya'y nakatakdang magluwal sa limang badesa na paghihiwalayin ng tadhana ngunit muling magkakalapit-lapit dahil sa lukso ng dugo, tawag ng damdamin, at tindi ng libog. Mapupunta sa iba't ibang ina, ngunit muling mabubuo upang pagbuklurin ang putol na tanikala... bibigkisin ang kadenang bulaklak.

Si Popsie, ang pangalawa sa panganay. Sha ang nakamana ng Kapangyarihan ng Memorya. Kaya nyang magbuhat ng bangkay ng walang effort. Pag nagtatag sila ng business, sha ang bahala sa Manpower. Para shang pinanganak na matanda. Kamay lang ang maputi, magaspang na parang sanay sa manual na trabaho. Pero matalino. Magaling shang magtanim -- ng palay man o ng galit. May lima shang mga anak, apat ang maitim, isa lang ang maputi. Ipinaglihi daw kasi sa palad. Namana nya ang "utak ni Inang". Ang nickname nya eh "mamagal" kasi lagi shang nagmamagaling.

Si Engel, ang gitnang anak. Sakto kasi sha yung pambato sa "pakyu" game. Pumipila ang lima, tapos uupo ang apat at naiiwan shang nakatayo sabay sigaw ng "pakyu!!" Pauso lang. Sha naman ang nakakuha ng Kapangyarihan ng Pagnguya. Keri nyang palugihin ang Dad's at Kamayan. Never shang iniimbitahan sa fiestahan. At kung magbi-business, dapat malayo sha sa kusina para wag mabankrupt. Sha ang hahawak sa labor. Sa lakas nyang kumain, keri nya rin ang hardwork. Sha rin ang nakamana ng "Sikmura ni Inang". Sya naman si "mamaru" kasi laging shang nagmamarunong.

Si Gwen, ang pangapat at pangalawa sa bunso. Sa kanya naman napunta ang Kapangyarihan ng Ganda. Kaso kaakibat nun ang Kapangyarihan ng Taba. Kaya effort itu para pumayat sha. Diet galore at pills to d max. So far naman eh effective. If ever, sha ang mamamahala sa "beautification" ng business. Ipinanganak shang me curlers at headband na katulad ng kay Donna Cruz, me mascarra pati kilay, me braces na rainbow colored ang goma, at boobs na cup A. Pag gus2 nyang kumembot eh lalabas lang sha ng bahay, pagbalik eh me kasama ng toda, constru, tambay, or basketbolista. Minsan naman eh nakaexpedition or dinadaan sa dollar account. Isang flip lang ng hair, pasok na sa banga si Kuya. Napunta sa kanya ang "Mukha ni Inang", kaya naman palayaw nya ang "mamagan" -- mahilig kasi magmaganda.

Si Tale, the perpetual virgin. Sha rin ang bunso sa limang tanikala. Sa kanya iniatang ang Kapangyarihan ng Pagkabirhen. As in every night, after the bembang, virgin sha uli. Complete with the dugo sa kobrekama, at kalmot sa likod ng bowa. 1st bembang nya is when she was 26 yrs old. Late bloomer ang bakla. Pero wag ka, ang bowa nya from davao lumuluwas pa dito para lang makita sha. Kung magnenegosyo ang lima eh sha ang hahawak sa Cleanliness and Sanitary. Marami kasi shang sanitary napkin, at dalisay kasi si bakla. Ikaw na ang maging virgin poreber! Ang pamana? The elusive "Hymen ni Inang" na pinahalagahan nya ng husto in fairness. Nickname nya eh "mamalin" kasi anufahngabah kundi lagi shang nagmamalinis.


Ang panganay, ang Baklang Maton. Ang reyna ng iskwater. Ang kolorum sa kolcenter. Ang Muse ng Masa. Charot! Sha naman ang nakagetlak ng Kapangyarihan ng Utak. Di dahil sha ang pinakamatalino, kundi dahil sha ata ang pinakamautak. Tuso, in short.Conniving beach in the suburbs. Kahit anong gusot, kaya nyang lumusot. Bata pa lang ay natuto nang lumaban. Nagpaampon minsan sa tindera ng sampaguita sa katipunan, bara-bara kung tumawid sa lansangan at pag binusinahan eh sumisigaw ng "pakyu ka", nagpa-katulong para makagraduate ng cosmetology, at nakitira sa bahay ni Junnel Hernando aka Sambag sa pelikulang "Magic Temple" (yung bata na pag umiiyak eh may tumutubong bulaklak -- oh diba beking beki ang powers). Pag nag-negosyo eh incharge sha sa operations. Sa kanya naipamana ang "Abilidad ni Inang" kasi dun sha magaling -- sa abilidad. Nickname naman ni bakla eh "reglabells" at "mama trony" dahil lagi shang mainit ang ulo, kala mo me regla, at dahil asal matrona sha madalas.

"Kapag dumami na sa lupa
Pusong marunong mangusap
Sa likod ng bawat ulap
May anghel na papalakpak
Maari na muling sabitan
Ng kadenang bulaklak itong daigdig
Upang kanyang kagandaha'y magbalik"

Balang araw ay magtatagpong muli ang kanilang mga landas, at muling mabubuo ang pink na kadenang bulaklak.