Puerto o Puerta?

Naexcite ako sa Puerto. Pinili nya ang Puerta.

Excited na ko mag-empake. Lunes pa lang ata nakalista na mga dadalhin ko. Make-up kit, extra napkin para pag nagkaroon ako bigla, bikinis, tanning lotion, kamison, lace na black bra, aroma candles… ay mali sa trip to Bahamas ko pala yun! Damit at pera lang pala inimpake ko…

Pupunta kasi kami ni Pa sa Puerto Galera! Yippee! Aba Puerto lang nga ito, pero dream vacation ko kaya ang me makasamang bowa sa isang faraway island na ang misyon lang ay “go forth and multiply”. At yun talaga ang gagawin ko, mag-multiply!

Excited na kami. Nag-leave ako sa office para Saturday morning, gora na kami. Friday evening, uminom muna kami sa haus. Pampagana kumbaga. Tsaka me tinapos na mga requirements sa school. Aba, nagmukhang set ng art angel ang sala ko! So natuwa naman ako kc tulong tulong sa pagsulong ang drama namin. Natulog kami madaling araw na ng Saturday. Keri lng kc iidlip lang ako, then alis na punta Batangas. At sha naman eh uuwi sa 5^th floor sa haus nila.

Eto na, 8am. Nakasukbit na ang bag sa flawless kong shoulders. Naka-ponytail na ang semikalbo kong hairlaloo. Naka muk-ap na rin ako (muk-ap na parang hindi naghirap at parang natutulog lang ahihihi). At shempre, bitchness na ang outfit. Ay beach-ness pala.

Nag-text: “Pa, baba ka na alis na tayey!”

Wa-ing reply.

“Pa, male-late na tayey sa flight! Come on over, come on over baby!” with matching production number.

Wa-i pa rin… Kaba! Kaba!

Shumawag na ko sa 911… este sa number ni Pa. “the number you have dialed is not available, or out of coverage area. Later ka na lang tumawag gurl, baka nasa banyo pa.” OK, I will try again later.

Makalipas ang later… mga 5 seconds! Nagring ang kipay ko, ay ang fone ko pala… ibang number, di ko kilala. Naisip ko bigla yung mga eksena ng pulis, tatawag sayo para sabihing “kayo po ba ang misis ni Totong? Natagpuan po namin ang sasakyan nya sa highway pero nawawala po sha” o kaya naman “are you in heat” o mas haggard kung tumatawag pala si ateng Wanda… “you’ll be gay in seven days… (pabulong) seven daysssssssss”

Di na kelangan ng seven days, seven decades ago nareceive ko na ang calling…

Ay nawala ako. Me totoo palang kumo-calling sa kin. So ang bakla, nanginginig-nginig pang sumagot sa phone habang naisip ko: nasan na ba si Pa?

“hallerness?!”

“Jay, si Totong to.”

JAY?! TOTONG?! Anong nangyari sa Ma at Pa?

“Andito ko sa labor, manganganak na ata ang aswang. Di kita matext naiwan ko phone ko.”

At least kabisado nya number ko.

“Buti na lang me number ka sa phone ng aswang, natawagan kita”

Linsyak! Friends ba kami?! Bakit me number ako sa phone ng aswang? Hmpf!

“Postpone muna natin ang Puerto…. Me oras pa naman. Mag-leave ka na lang ule. Blah blah blah blah blah blah…..”

wala na kong narinig. Ang nag echo na lang ay “postpone” at “Puerto… to…. to… to…” at “manganganak….. nak….. nak…..nak…..”

Binaba ko na pala ang phone. Binaba ko na rin ang bag mula sa balikat ko. Di na flawless ang balikat ko. Tinanggap ko na uli na semikalbo ako, di ako pwedeng mag-ponytail. Binaba ko na rin ang pride ko. Kasi, bumaba na rin ng kusa ang luha ko…

Lalabas na ang anak ng aswang. Malapit na ang katapusan ng maliligayang araw ko. Malapit ng magunaw ang mundo ko.

Pero naiintindihan ko. Kasi kung lalaki rin ako, kahit maganda pa sa Puerto, uunahin ko rin ang Puerta. Alam ko kung ano ang mas mahalaga. At sigurado ako, alam rin nya yon.

Puerto o Puerta? Kung ikaw, siguro Puerta rin.