6.23.2010

Kawawang Pinoy

Mga bakla! Mejo di to pang-blogelya... Para toh sa activity namin sa Sabado, mega post na rin ako at baka sabihin nyo eh nglected na ang blog ko dahil nanakawan ako... Nawa'y maantig ang mga damdamin nyo... Tayo po'y magsitayo at i-recite ang Panatang Maka-pechay!

***************************************************************

Kabi-kabila ang makikita mong kawalan ng hustisya at kawang-gawa sa lipunan. Mga taong inaagrabyado, inaapi, inaalipusta, dinadaot, iniisahan, sinasaktan, nilalamangan, ginagago, inuuto, ginugulangan, dinedenggoy, kinukupal, pineperahan, pinagkakakitaan, winawalangya, at kung masaklap pa, minsan eh pinapatay. Kawawang Pinoy!

Sa gitna ng lahat ng kaguluhang ito, maraming nagtatanong: Nasaan ang hustisya? Nasaan ang kawang-gawa? Anong ginawa ng gobyerno? Anong ginawa ng simbahan? Eh matanong kita... ikaw? Anong ginawa mo? Wala. Kulang. Bitin. Kapos. Waley! Hay... Kawawang Pinoy!
Ayon sa DepEd sa kasalukuyan ay kailangan natin ng 50k na guro, 58k na classroom, 3.48 million na upuan, at 34.7 million na libro. Sa 100 na bata na pumapasok sa grade 1, 43 lang ang nakakatapos ng high school at 23 lang ang tumutuntong sa college o vocational, at 14 lang ang nakakatapos. Dadagdagan pa raw ng 2 taon ang basic education. Pero sa dami ng mga kakulangang ito sa edukasyon, ang inuunang lipulin ng DepEd ay ang mga jejemons. Sowie pouh! Kawawang Pinoy!

Kapag ninakawan ka at nahuli mo ang magnanakaw, pwede mo shang idemanda at ipakulong. Tapos sa haba ng proseso, minsan mas malaki pa ang magagastos mo sa halaga ng ninakaw sa yo. Pag napatapat ka pa sa mayabang na piskal, hindi ire-release ang mga ninakaw sayo kasi "evidence" daw ito. Pakakainin mo pa ang mga tanod at pulis na rumesponde. Sa dami ng gastusin at sa oras na kinakain sayo, mas pinipili ng ibang makipag-areglo na lang para wala ka nang iisipin. The good thing is, malaya na uli ang magnanakaw! Kawawang Pinoy!

Kapag nakulong ka naman, siguraduhin mong may pampiyansa ka. Kasi pag di ka nagpiyansa, aabutin ka ng siyam-siyam bago ka maiskedyul sa hearing. Minsan, pitong taon ka nang naghihintay sa kulungan, ang sentensya mo dapat eh 2 taon lang. Sa dami ng kriminal at sa dami ng krimen, 48 years bago matapos ang kaso. Me appeal pa! Kaya si Attorney, congratulations! Ang daming talent fee nyan. Tsk tsk tsk. Kawawang Pinoy!

Sa kalsada, normal na to: kotong, lisensya, buwaya. Mga salitang alam ng lahat ng drayber at pasahero. Pag pinara ka, automatic maglalagay ka -- mababa na ang singkuwenta. May mga drayber ng kolorum kasi ang prangkisa mahal pa sa pinapasada nila. Sa traysikel, 20k-40k. Sa jeep 40k-60k. Sa taxi at fx 60k-80. Pag taxi, hindi pwedeng isa lang. Dapat sampu para may prangkisa ka. Kaya marami ang kolorum. Madalas nga lang mahuli ng MMDA. Yung iba nakikipaghabulan para makalusot sa lagay. Kapag nahuli, may kotong na pera na, may kutos at batok pa. Basta driber, sweet lover, hard laborer! Kawawang Pinoy!

Noong 2007, mayroon nang 88.57 milyong Pinoy. Kung 2% ang increase ng population taon taon, mayroon nang 93.99 milyong Pinoy ngayong 2010. 6.96 milyon ang walang trabaho. Ang normal na high school graduate ay kumikita ng 4k-7k isang buwan. Pag college level naman ay 7k-10k. Kung sa call center ka magtatrabaho, pwede kang kumita ng 12k-16k. Pero kung tatakbo kang congressman, me automatic na 35k ka isang buwan. At me bonus pang 70 milyon sa pork barrel. Bahala ka na kung pano ka ki-kickback sa mga proyekto mong walis tingting, waiting shed, kalsada at basketball court. Galingan mo na lang mangupit. Kawawang Pinoy!

Pag nanonood ka ng teleserye nakakabanas pag narinig mo ang mga jingle ng mga kandidato. "Nakaligo ka na ba sa dagat ng basura? Gusto ko happy ka. Jajajaja jajamby! Anak, itabi mo." Yung 30-second na commercial sa primetime, aabot ng 500k-1 million ang presyo. Idagdag mo pa ang talent fee ng artista sa commercial. Si Kris Aquino, 20million plus per product. Si Sharon, 25-30M. Si Regine, 600k per song. Si Willie 1m per episode ng Wowowee. Si Juday, 250k-300k per taping. Kaya sa bawat bula ng sabon, sa bawat taktak ng Magic Sarap, sa bawat scoop ng sorbetes, sa bawat text at call, sa bawat kanta ni Willie, yung pinambayad sa mga talent fee at commercials ng pulitiko, galing sa bulsa mo. Kawawang Pinoy!

Ang isang bote ng rugby, 50-100 pesos. Ang isang teabag ng marijuana mabibili mo ng 50 pesos. Ang isang gramo ng shabu naman eh 7k-8k. Kasama na rito ang ilang hithit ng usok at ilang oras ng amats. Ang isang ladies drink sa beerhouse 200-300 isang bote. Ang macho drink naman sa gaybar, 250-400 isang bote. Kasama na rito ang himas, hipo at haplos sa GRO. Kung gusto mong ilabas ang ka-table mo, extra 1k-2k isang round. Kapalit na nito ang ilang sandaling aliw at pagkalimot. Kapalit din ang panganib na makulong o makakuha ng STD o AIDS. Wala nang proof of purchase at suking tindahan! Instant premyo agad! Kawawang Pinoy!

Bibihira tayong makakita ng kalyeng malinis. Madalang din ang mga ilog na walang basura. Konting ulan lang, baha na sa Espanya at malabon. Ilang oras na ulan lang, mauulit na naman ang bangungot na dulot ni Ondoy. Matapos ang El Nino, eto naman si La Nina. Sila at ang orig na kambal ng tadhana.Stranded, inanod, nalunod, lumubog, natulog sa bubong, leptospirosis, sirang appliances, landslide, naluging negosyo, sasakyang di umaandar, at hindi mabilang na Pinoy na namatay. Dahil sa basura, dahil sa baha, dahil sa bagyo. Kawawang Pinoy!

Andyan ang noodle scam, rice crisis, hello garci scam, fertilizer fund scam, ZTE-NBN Broadband deal, textbook scam, Jose Pidal accounts, Maguindanao massacre, PCOS Anomalies, vote buying, human trafficking, AIDS, prosti, call boy, child abuse, rape, forced labor, holdapan, rubout, terorista... Ilan lang sa mga normal na laman ng dyaryo at TV. Ang boring ng mga headlines! Kawawang Pinoy!

Lahat ng ito, alam ng lahat. Pero lahat din ng ito, tanggap ng lahat. Mashado nang pamilyar ang mga tao sa kawalan ng hustisya, mashado nang nasanay ang mga Pilipino sa kawalan ng malasakit. Mashado nang bugbog ang lipunan sa kawalan ng pag-asa. At yan ang pinakamalaking injustice na kumakawawa sa Pinoy.

Hoy Pinoy! Kumilos ka! Tama na ang pagiging biktima! Hanggang kailan ka ba magiging kawawa? Alam ko na ang sagot mo... BAHALA NA. Tsk tsk tsk! Kawawa ka nga ba Pinoy? Wag naman sana.

8 comments:

  1. naguilty naman ako..lagi kxe kong naglalagay sa MMDA pag nahuhuli..

    love this BM!!

    ReplyDelete
  2. another funny yet makabuluhang post! :)

    ReplyDelete
  3. si BM ay isang kasama! Haha. BM, tunog makabayan at mangahas ka dito. Certified tibak. lol

    Ang istilo mo at ang pagkakahabi ng mga konsepto at lingad at may hubog. Ikaw na! Haha.

    Sulong.

    ReplyDelete
  4. Level up! Iba talaga si BM.

    ReplyDelete
  5. may point ka. haha ako complain ako ng complain pero im the first din to break the rules.

    ang cute naman ng header mo. pag makita kita sa personal, hingi ako autograph ha. lol

    ReplyDelete
  6. o lahat sabay sabay wag nang manuod ng tv!

    ReplyDelete